UN TEMPU NOVU VENERÀ (1991)

Quandu la notte s'avvicina

Quandu lu sole si ne và

Ai lu core chì manghina

Ai lu capu à sunnià

Sì cum'è l'omu chì striscina

U pesu di centu eredità

Nantu a memoria pellegrina

È ùn sai più cumu ti fà 

U BAMBINU HÈ NATU(1982)

Gerda-Marie, Marilena è Ghjacumu vi preganu 

⥈ BON NATALE ⥈

À TUTTI

Era bughju pagnu

È notte dulore

Ma dopu à u lagnu

Un cantu hè falatu

À innacquà u core :

Un bambinu hè natu !

NANNUCCIA (1979)

Ciucciu lu mio ciucciu

Tù chì sì un umucciu

Ti dicu chì u mondu ùn hè

Mai più cum'è da zitè

SEI ANNI !

Festighjemu oghje u nostru anniversariu: sei anni di "Una sì tù", ci avvicinemu di e 100.000 pagine viste. Ùn vi pare tantu ? Per noi sò miraculi !
Ripublichemu per stu nataliziu a nostra primanata, a canzona titulu di u bloggu !
Traduzzione/traduction/Übersetzung/vertaling QUÌ/ICI/HIER

Ghjacumu FUSINA
Gerda-Marie KÜHN
Marilena VERHEUS

Una sì tù
sopra à i to paesi lisci
o montuosi
una sì tù
à u scolu di l'ore
goccia à goccia di mele
è apa timica di a mio bugna

L’AMORE CONTRAPESU (1991)

Ma chì vita serà s’ella ùn ti porta gioia

S’ella ùn ti porta sogni è s’ella ùn ti cunsola

S’ella ùn ti dà speranza à l’alzà di u sole

S’ella ùn ti lascia asgiu à fà nasce e fole

Aspittendu à Natale 2016

Da ringrazià à tutti i fideli di u nostru bloggu è dinù da festighjà i sei anni d'a so esistenza (u 7 di dicembre) vi vulemu rigalà stu calendariu d'Avventu (è, bella sicura, dinù per raghjunghje in furia e 100.00 pagine viste :)

 Edit: Avemu avutu grossi prublemi cù u calendariu ch'aviamu messu anzora. L'avemu rifattu sanu nant'à un antru situ. Pudarete apre un prutellu à ghjornu à partesi da u primu dicembre!

QUANDÌ A TERRA MOVE, filmetti novi

Vulemu arrichisce u bloggu cù qualchì filmetti novi, a prova chì sta canzona è u nostru bloggu sò sempre vivi !

On enrichit ce blog de quelques vidéos nouveaux, la preuve que cette chanson et notre blog sont toujours bien vivants !

Wir möchten unseren Blog mit einigen neuen Videos bereichern, als Beweis , dass dieses Lied und der Blog noch immer springlebendig sind!

We verrijken het blog met een paar nieuwe filmpjes, als bewijs dat zowel dit lied als ons blog nog altijd springlevend zijn!

Parolle è e traduzzione / Texte et traduction / Text und Übersetzung / Tekst en vertaling :
QUÌ / ICI /HIER !

Ci hè dinù... ma quantu sì cambiata!

Pocu f'à avemu francatu e 60.000 pagine viste. Paragunatu à certi altri blogghi ùn hè nunda, ma per noi hè assai! Da festighjà stu numaru magnificu vi vulemu prisintà un'è poche canzone in versione nove nove, fatte da altri artisti ch'è quelli chì e anu cantate a prima volta. Vale à dì: ci hè dinù, ma appena cambiata!

Eppo assistite à una stonda da veru speciale, chì avete 'in direttu' à Gerda È Lena inseme da a Corsica, inseme nant'à un solu ordinatore! Scialatevila!

Basgi di Gerda-Marie è Marilena !

GHJALLICU MEIU (1988)

Ghjallicu meiu

rè di l'orestu

mi piace a to virdura !

À la fritura

boscu è maghjera

s'anu lasciatu

a capillera

ma tù l'altieru

rè di l'orestu

ti teni a to vistura

DUMANE (1977)

U cavallu ariottu ughjuleghja morte

Sopra à li paesi à spinta fulena

U libecciu soffia da muntagna à rena

Ghjura dinù ellu: 'maladetta sorte !'