QUANTU SÌ CAMBIATA (1986)

S'è tù ti n'avveni la mio innamurata
ne fecemu noi prumesse sulenne
ancu senza festa per quelle le strenne
la volsemu bella la nostra abbracciata
ma oghje mi pare di sente e tintenne
o Corsica mea quantu sì cambiata

U TINTU SCRITTORE (1981)

Sì cum'è u muscu di li mio ghjorni
è lu prufumu di l'anni novi
cum'è l'acellu di li mio sogni
è la so piuma chè tu trovi
u mio penseru sopr’à li nuli
s’è tu mi capisci è mi voli

   à mè chì sò u tintu scrittore
   ind'ì l'isulone di l'amore

À PENA CUM'È TÈ (1991)

Aghju l’anima corsa
di sole croscia intinta
di luce inturchinata
è di muntagna cinta
di terra marturiata
da lu so mare avvinta

à pena cum’è tè

ISULA IDEA (1981)

Isula idea di la mio alba
rosula altea è la vitalba
fiore chì sbuccia è chì ci chjama
fiore chì s’apre è dà la brama
isula

HÈ UN'ISULA (1979)

Hè un'isula
Chì trema culà
Da u furore
Luccicante
Di a so ghjente
Statela à sente
Cun gravità

A PUESIA HÈ LIBERTÀ (1988)

Nantu à li mio quaterni
di scularu scrianzatu
nantu à la conca bianca
di tutti i nostri inguerni
nantu à lu fogliu cutratu
di a neve di ferraghju
sò eo chì scriveraghju
“a puesia hè libertà”

U TO NOME (1975)

U to nome, mi n’arricordu
quand’o u intesi a prima volta
U to nome rima a terra
è mi scumbuglie

U CANTADORE (1977)

T'aghju capitu à tè

ch'ere piantata à granu

ti sentu le catene

o terra strinta in manu

UNA SI TU (1975)

Una sì tù
sopra à i to paesi lisci
o montuosi
una sì tù
à u scolu di l'ore
goccia à goccia di mele
è apa timica di a mio bugna